2021-æм азы Цыколайы сараздзысты спортивон-дзæбæхгæнæн комплекс. Уыимæ ма дзы сног кæндзысты дондзæуæн хæтæлтæ дæр. Уый тыххæй фехъусын кодтой республикæйы хъæууон хæдзарады министрадӕй.
Уый къухы бафтыд «Хъæуы территориты райрæзты» паддзахадон программæйы руаджы. Ныртæккæ цæттæ кæнынц объектты паспорттæ. Снысан сæ кæндзысты районы æмæ хъæуы администрациты разамонджытæ. Республикæйы хъæууон хæдзарады министрады ма зæрдыл лæууын кæнынц, сæрмагонд паддзахадон программæйы архайынæн хъæугæ гæххæттытæ ныридæгæн кӕй исынц, уый. Бадæттæн сæ ис 24-æм мартъийы онг.
Уæрæсейы хъæууон хæдзарады министрады домæнтæм гӕсгӕ проекты райрæзтыл бакусын хъæуы иумæйагæй. Ома, хицæнæй дондзæуæн хæтæлты цалцæг, науæд бындурон цалцæг хицæнæй конд нæ цæуынц. Æнæмæнг, программæмæ хъуамæ хаст цæуой сывæллæтты рæвдауæндон, амбулаторийы арæзтад. Уæд иу программæйы фæлгæты сног кæнæн ис дондзæуæн æмæ газы хæтæлтæ дæр.
