Рацарæзты фæстæ 30-æм апрелы байгом уыдзæн Евгений Вахтанговы хæдзар-музей. Цæттæгæнæн мадзæлттыл ныхас кодтой хицауады сæрдар Дзанайты Барис æмæ паддзахадон академион театры директор Кирилл Крок. Зындгонд режиссёры номыл музейæн ис стыр культурон æмæ историон нысаниуæг – фæнысан кодта Дзанайты Барис. Уырыссаг театры директор ма фембæлд хицауады сæрдары хæдивæг Тугъанты Ларисæимæ.
Куыд фехъусын кодтой, афтæмæй музей бабæрæг кæнын уыдзæн 2-æм майæ фæстæмæ. 30-æм апрелы та Дзæуджыхъæуы цæрджытæм æмæ уазджытæм æнхъæлмæ кæсы концерт. Бæрæгбоны фæдыл фæхондзысты федералон журналистты æмæ хъуыстгонд артистты. Сæ курдиат дзы равдисдзысты республикæйы сфæлдыстадон къордтæ дæр. Æмбырды бæстон ныхас цыд техникон цæттæдзинады фарстатæ æмæ æхсæнадон æдасдзинадыл.
