350 бархионӕй фылдӕр архайдзысты ӕвзарӕн участокты

Цӕгат Ирыстоны бархионты корпусы ныридӕгӕн ис 350 адӕймагӕй фылдӕр, 18-æм, 19-æм, 20-æм сентябры цæттæ сты участокты æвзарджытæн æххуыс кæнынмæ. Командӕмӕ æмбырд ахӕсдзӕн 15-æм сентябрмӕ. Бархионтӕ цӕудзысты, хъӕлӕс кӕныны рӕстӕг ӕххуыс кӕй бахъӕуа, уыцы гражданинтимæ: ӕнӕниздзинад хъыгдард кӕмӕн у, хъусæй чин æ хъусы ӕмӕ цӕстæй авзæр чи уыны, ахæм адӕймӕгтимӕ, уыимæ сывæллонджын ныййарджытимӕ. Курдиат бадӕттӕн ис Паддзахадон лæггæдты порталы уылты. Кандидаттӕ сӕхӕдӕг равзарынц ӕнцонвадат участок, куысты рӕстӕг ӕмӕ архайды здӕхт. Бархионтӕм се ‘ппӕтмӕ дӕр ӕнхъӕлмӕ кӕсы бæстон цӕттӕдзинад. Участокты кусынӕн арӕзт ӕрцыд командӕ дӕр сӕдӕ медицинон кусӕгӕй. Республикӕйы Ӕвзарӕн къамисы фæнысан кодтой: хъӕлӕс кӕныны бонты иу гражданин дӕр хъуамӕ ӕнӕ ӕххуысӕй ма баззайа. Ӕдӕппӕтӕй Цӕгат Ирыстоны байгом кӕндзысты 309 ӕвзарӕн участочы, ӕвзӕрстыты рӕстӕг та архайдзысты ӕртӕ мины ӕмӕ ӕрдӕгӕй фылдӕр къамисты уӕнгтӕ алыхуызон ӕмвӕзӕдтӕй.