4 мин метрæй фылдæр хæтæлтæ Цæгат Ирыстоны специалисттæ сæвæрдтой Запорожьейы облæсты Черниговка поселочы.
Уый тыххæй йæ телеграм-каналы фехъусын кодта Сергей Меняйло. Дондзæуæн системæ дзы бындуронæй цалцæг кæнын райдыдтой уалдзæджы. Ныртæккæ йæ техникон цæттæдзинад у 50 %. Аразджытæ ма сæвæрдтой 25 донуаты. Уыцы иу рæстæг ма куыстытæ цæуынц скъола æмæ рæвдауæндоны. Сæргълæууæг фæнысан кодта, федералон хъæппæрисы ‘руаджы ныртæккæ зын уавæры цы адæм сты, уыдонæн фадат ис баххуыс кæнынæн.
