46 млрд сомæй фылдæр Уæрæсейы хицауад рахай кодта медицинон кусджыты фиддонтæн. Ныхас цæуы, ковид рынчынтимæ чи кусы, уыдоныл. Сæрмагонд бардзырд бафыста премьер-министр Михаил Мишустин. Æхцайы фæрæзтæ рахай кæндзысты фæстауæрцгæнæн фондæй. Дæтдзысты сæ ноябры онг.
Уæ зæрдыл уын æрлæууын кæндзыстæм, сæрмагонд фиддонтæ дæттын райдыдтой фарон апрелы мæй. Октябры сæ баивтой сæрмагонд социалон æрвылмæйон фиддонтыл. Уæлæмхасæн фæрæзты бæрц аразгæ у, медицинон кусæг цал сменæйы æмæ цас рæстæг арвыста ковид-пациентты дзæбæх кæнгæйæ, уымӕй.
