70 бинонты ‘мкъӕйтты схорзæхджын кодтой республикæйы сæргълæууæг Сергей Меняйлойы номæй. Мадзал сбастой бинонты, уарзондзинад æмæ иузæрдиондзинады æппæтуæрæсеон бонимæ. Кадджын уавæры бинонтæн радтой уарзондзинад æмæ æууæнкдзинады майдантæ. Се ‘хсæн уыдысты, къæйтæ 25 азæй фылдæр иумæ æнгом цард чи кæны, уыдон.
Республикæйы æхсæнадон палатæ бацæттæ кодта «Бинонтæ – дуне, уарзондзинады бындурыл», зæгъгæ, зæрдыл дарæн лæвæрттæ æмæ сахаттæ. Уымæй уæлдай ма, уазджытæн бацæттæ кодтой бæрæгбоны концерт.
