8-æй 17 азы онг кæуыл цæуы, уыцы сывæллæттæн æрвылмæйон фиддонтæн бæстæйы хицауад уæлæмхасæн хуызы рахай кæндзæн 27,5 млрд сомы. Михаил Мишустины ныхæстæм гæсгæ, се ‘фтиæгтæ гыццыл кæмæн сты, уыцы бинонтæн паддзахад хъуамæ æххуыс кæна. Уый тыххæй ацы аз снысан кæндзысты 505 млрд сомы.
Фиддон исыны тыххæй курдиат бадæттæн ис паддзахадон лæггæдты порталы, бирæвæрсыг центры, кæнæ Пенсион фонды хайады. 1-æм январæй та 17 азы онг сывæллæттæн фиддонтæ фæнд кæнынц баиу кæнын. Хицауады сæрдар куыд фæбæрæг кодта, афтæмæй йæ ныр бирæ тагъддæр æмæ æнцондæр уыдзæн снысан кæнæн.
