Абон бæстæйы бæрæг кæнынц психологы бон. Бæрæгбон официалон нæу, фæлæ у профессионалон къабазы æппæт специалисттæн дæр. Психолог иртасы адæймаджы миддуне, алыхуызон уавæрты йæхи куыд фæдары, уый. Уымæй уæлдай ма, æххуыс кæны адæймагӕн дызӕрдыггаг фарстаты аххосӕгтӕ равзарынмӕ æмæ сыл куыд ис бакусæн, уый сбӕлвырд кӕнынмӕ. Сæйраг нысан — адæймагæн баххуыс кæнын. Ацы бон æрвыл аз арæзт æрцæуынц алыхуызон семинартæ, конференцитæ, лекцитæ. Æрдзурынц дзы къабазы ахсджиагдæр фарстатыл, уыимæ йæ райрæзты мадзæлттыл.
Мæнмæ гæсгæ, психологи нæ горæт æмæ нæ цæрджытæн сси куыд химæзилæн элемент. Бирæтæ та афтæ хъуыды кæнынц, æмæ психологы лæггæдтæй пайда кæнынц йе ‘нæниздзинад хъыгдæрд кæмæн у, ахæмтæ. Фæлæ æз афтæ фæзæгъын, æмæ психолог æххуыс кæны адæймаджы уд æмæ психикæмæ зилын. Уый тынг хорз у, мæ хъуыдымæ гæсгæ.
