Ныр поликлиникæты регистратурæты рады лæууыны хъуыддаг фæсте аззад. Абон дохтырмæ хи ныффыссæн ис минуты æмгъуыдмæ. Уымæн æрмæст хъæуы смартфон æмæ бæстæйы мессенджер Мах. Технологийы гæнæнтæн ныридæгæн аргъ скодтой пациенттæ æмæ дохтыртæ.
Дохтырмæ хи уайтагъд ныффыссын. Æнæ рады лæугæйæ æмæ гæххæттытæ æххæст кæнгæйæ, ныр алцыдæр электронон хуызы. Цæгат Ирыстоны æнæниздзинадхъахъхъæнынады чат-бот мессенджер Мах-ы процедурæ фенцондæр. Специалистты ныхасмæ гæсгæ, ныртæккæ ацы хуыз æппæты тагъддæр у медицинон æххуыс райсынæн.
Зæгъæм, цæмæй Паддзахадон лæггæдты уылты хи ныффыссай, уый тыххæй хъæуы идентификаци ацæуын, сæрмагонд бæлвырдгæнæн код фæнысан кæнын, лæггад равзарын, рæстæг фæбæрæг кæнын, хъæугæ поликлиникæ равзарын. Ацы чат-боты та æрмæст хъæуы цалдæр лыстæгдзинады баххæст кæнын æмæ æнæмæнг фыст æрцæудзынæ дохтырмæ.
Травматолог, уролог, хирург, гинеколог. Хи ныффыссæн ис алы специалистмæ дæр. Æрмæст хъæуы æнæмæнг медицинон фæдзæхстады полисы номыр чат-ботмæ баххæсын. Нырыккон фæрæз снысан кодтой ивгъуыд азы кæрон. Ныртæккæ дзы æрвылбон спайда кæнынц 5-6 адæймаджы. Йæ хъомысæн ын аргъ скодтой дохтыртæ дæр. Сæ ныхасмæ гæсгæ, пациенттæн лæггад кæнын бирæ фæрогдæр.
Телемедицинæйы фæрцы ис байгом кæнæн æмæ сæхгæнæн рынчыны фæдыл сыф, иртæстыты бæрæггæнæнтæ базонын æмæ дистанцион хуызы специалистты æркаст ацæуын. Ахæм технологиты фæрцы фæстауæрц кæны рæстæг, уæлдайдæр дæрддзæф хъæуты цæрджытæн. Иуæзмæлдмæ хи баффыссын æнцон у. Федералон телемедицинон платформæйы сайты æрмæст хъæуы ном, мыггаг æмæ телефоны номыр фæнысан кæнын, хæрзвадат рæстæг æмæ дохтыр равзарын.
Пациенттæй низ рог хуызы чи рахаста, зæгъæм, æхсырсæг, уыдонæн байгом кæнæм рынчыны фæдыл сыф бынаты, уый кæд дохтырмæ хæдзармæ фæдзырдтой, уæд, кæнæ та медицинон кусæндоны, кæд æххуыс ам бацагуырдтой, уæд. Дарддæр сын консультаци скæнын нæ бон у уæлæфтуан Мах-ы уылты телемедицинæйы. Кæд, пациент сдзæбæх, уæд ын сæхгæнæм рынчыны фæдыл сыф.
Телемедицинæ кусы 2018-æм азæй фæстæмæ. Уæдæй, статистикæйы бæрæггæнæнтæм гæсгæ, онлайн-консультациты нымæц кардиологтæм, травматологтæм æмæ иннæ специалисттæм зынгæ фæфылдæр сты. Мессенджер Мах-ы медицинон лæггæдты кой куы кæнæм, уæд сæ ацы уалдзæг спайда кæнæн уыдзæн бæстæйы
