Урокы темæ сывæллæттæн раст бамбарын кæнын, уыимæ сабиты сцымыдис кæнын. Ахуырдзаутимæ куысты бирæ лыстæгдзинадтæ ис.”Цæгат Ирыстоны историйы хуыздæр ахуыргæнæг” æркаст ныр дыккæгæм бон цæуы Дзæуджыхъæуы 37-æм скъолайы. Ахуырады къабазы кусджытæ уроктæ куыд амонынц, уымæн бынаты аргъ кæнынц жюрийы уæнгтæ. Се ‘хсæн конкурсы раздæр азты уæлахиздзаутæ æмæ ахуырады къабазы кусджыты фæлтæрддзинад уæлдæргæнæн институты минæвæрттæ.
Сæйраг домæн — ахуыртæм бахæссын Ирыстоны историйæ цаутæ. Уæвгæ, гом урокы темæ ахуыргæнæг æвзары йæхæдæг. Зæгъæм, 39-æм скъолайы минæвар Цопанаты Иринæ сывæллæтты зæрдыл æрлæууын кодта адæмы райрæзты къæпхæнтæ фæлварæнты агъоммæ. Уыимæ сыл микроорагнизмтæ куыд сахадыдтой, уый. Емынæ, дзуарыниз, тиф. Ацы æмæ æндæр рынты аххосæй фæмард бирæ адæм. Урокы кæрон жюрюйы уæнгтæ фæрстытæ дæттынц педагогтæм. Финалисттæ куыд зæгъынц, афтæмæй ахæм конкурсты руаджы бæрзонддæр кæны дæсныйады кад.
Фыццаг туры хатдзæгтæм гæсгæ, финалмæ рахыстызты 14 адæймаджы. Уый районты 35 архайæгæй. Дыууæ туры балттæ баиу кæндзысты. Уæлахиздзаутæ æмæ призерты нæмттæ сбæрæг уыдзысты абон. Конкурс снысан кодтой нæ республикæйы автономийы сæдæ азы бонмæ. Мадзал аразджыты ныхæстæм гæсгæ,конкурсмæ ацы аз бахастой ногдзинæдтæ.
