Абон кæронмæ æрхæццæ цæгатирыстойнаг делегацийы куыст Федерацийы Советы. Æртæ боны программæ рауад хъæздыг. Федерацийы Советы сæрдар Валентина Матвиенко райсомæй бабæрæг кодта нæ равдыст. Сергей Меняйло йын бæстонæй радзырдта республикæйы истори æмæ сæйраг æнтыстдзинæдты тыххæй. Фæстæдæр Валентина Матвиенко фембæлд регионы разамындимæ. Æмбырды архайдтой Парламенты сæрдар Тускъаты Таймураз, сенатортæ Мамсыраты Таймураз æмæ Виталий Назаренко. Валентина Матвиенко фæнысан кодта Цæгат Ирыстоны социалон-экономикон къабазы рæзт.
Боны сæйраг мадзал – пленарон æмбырд. Сергей Меняйло дзы йæ доклады радзырдта республикæйы социалон-экономикон рæзты тыххæй. Сæргълæууæг фæнысан кодта, ацы аз республикæ архайы 13 национ проекты, æххæстгонд цæуынц æппæты уæлдæр æмвæзадыл. Фарстаты ‘хсæн уæлдай æргом кæцытæ домынц, ахæмтæ дæр ис. Зæгъæм, транспорт æмæ бæлццæттæ ласæн организациты къуылымпытимæ куыст. Уæлдай риссаг фарста – гуырынад фæфылдæр кæнын. Кæронбæттæны Федерацийы Совет снысан кодта ног проект – регионы социалон-экономикон рæзты тыххæй. Æмбырды фæстæ Сергей Меняйло йæ хъуыдытæ загъта журналисттæн.
