Абон райсомæй Киевы режим бахъавыд террористон æрбабырст Мæскуыйы бæстыхæйттæм саразын, фæлæ сын нæ бантыст. Радиоэлектрон тыхы æууæлтæй пайда кæнгæйæ дыууæ украинаг æнæпилотон хæдтæхæджы æрцыдысты къуырд æмæ æрхаудысты. Хъыгдард ничи баййæфта. Хъырымы сæрма та уæлдæфон хъахъхъæнынады тыхтæй æркъуырдтой знаджы 11 æнæпилотон хæдтæхæджы. Бахаудысты хæстæрмæджыты æвæрæнмæ Джанкойы районы. Уымæй уæлда ма хæдтæхджыты пырхæнтæй хъыгдард баййæфта Кировы районы хи хæдзар. Æппæт профилон службæтæ дæр бакуыстой бынæтты. Æдасдзинады тыххæй баурæдтой Джанкойы районы æфсæнвæндаггон цыд, стæй автомобилон фæндаг Джанкой–Симферополы уылты дæр рæстæгмæ ацæуæн нæй. Бынæттон хицауад рахаста уынаффæ, хæстæгдæр хъæуты цæрджыты æдас ранмæ ракæнын, ома æнæнхъæдæджы цау кæм æрцыд, уырдыгæй 5 километры фалдæр. Куыд хъусын кæнынц, афтæмæй адæмæй хъыгдард ничи баййæфта.
