Куысты рæстæг хъыгдард чи баййæфта, уыдонæн реабилитацийæн ӕхцайы фӕрӕзтӕ райсӕн ныр уыдзæн æнцондæр. Ахæм фадат сын фæзынд паддзахадон лæггæдты порталы сæрмагонд интерактивон формæйы ‘руаджы. Уый тыххæй бардзырд бон раздæр бафыста хицауады сæрдар Михаил Мишустин.
Курдиат бадæттинаг чи у, уыдон хъуамæ, реабилитацийыл сæхæдæг цы фæрæзтæ схардз кодтой, уый æвдисæг гæххæттыты электрон къопитæ бахæссой порталмæ. Социалон фонды кусджытæ сæм æркæсдзысты. Куы хъæуа, уæд ма ноджы æндæр уæлæмхасæн гæххæттытæ дæр бацагурдзысты. Уый тыххæй хъусынгæнинаг æрбарвитдзысты паддзахадон лæггæдты порталы адæймаджы хицæн кабинетмæ. Стæй уæд уынаффæ рахæсдзысты, фиддонтæ æмбæлы адæймагæн, æви нæ, уый фæдыл. 5 боны æмгъуыдмæ фæрæзтæ бахæццæ уыдзысты курдиат бадæттæджы хыгъдмæ. Йæхæдæг реабилитацийæн техникон фæрæзтæ чи балхæдта, уыдонæн та сæ компенсаци бахæццæ уыдзæн 10 бонмæ. Хицауады ма куыд фæбæрæг кодтой, афтæмæй кæй фæнда, уымæн йæ бон уыдзæн Социалон фондмæ дæр уыцы фарстаты фæдыл æрбацæуын.
