Абон Уæрæсейы бæрæг кæнынц бинонты, уарзондзинады æмæ иузæрдиондзинады бон. Бæрæгбоны фæдыл цæрджытæн арфæ ракодта республикæйы сæргълæууæг.
Æнгом бинонтæ уыдысты æмæ сты адæймаджы царды сæйраг хæзна. Зын сахат сты ныфс. Национ æмæ культурон традицитæ хъахъхъæд цæуынц хъæддых бинонты руаджы, хæссынц сæ фæлтæрæй-фæлтæрмæ. Кæрæдзийы æмбарын, кæрæдзийæн аргъ кæнын ахсджиаг у алы бинонтæн дæр. Ахæм бинонты сывæллæттæ базонынц царды хæзнатæ, рауайы сæ бæстæйæн фæзминаг кæстæртæ, свæййынц фæллойуарзаг. Нымайынц æмæ аргъ кæнынц сæ хистæртæн, дзуапп дæттын зонынц сæхи æмæ иннæты цардæн. Сæ зæрдæты райгуыры Фыдыбæстæмæ уарзондзинад, бафиппайдта Сергей Меняйло.
Ацы аз бæрæгбонӕн фӕзынд официалон хуыз. Сæрмагонд указ бафыста бæстæйы президент Владимир Путин.
