«Бережливая поликлиника», зæгъгæ, федералон проекты фæлгæты Дзæуджыхъæуы æвдæм поликлиникæйы кæнынц цалцæггæнæн куыстытæ. Проекты нысан у дзæбæхгæнæндоны куысты хæрзхъæддзинад фæхуыздæр кæнын.
Хъуамæ алкæмæн дæр фадат уа медицинон æххуыс райсынæн. Уæдæ бæстыхайы уавæр дæр зæрдæхсаинаг нал уыдзæн. Медицинон уагдоны сарæзтой адæмы регистрацигæнæн ног бынæттæ. Базилдзысты бæстыхайы бацæуæнмæ. Ныр ма уал дзы сфидар кодтой ног дуæрттæ, баивтой пандустæ. Поликлиникæйы кæрты фонтан рацарæзтой æмæ дзы скодтой, сывæллæтты коляскæтæ ныууадзæн кæм ис, ахæм бынат. Медицинон кусджытæн дæр сарæзтой хицæн бацæуæнтæ. Уый размæ ииуылдæр пайда кодтой иу дуарæй æмæ-иу арæх къуылымпыдзинæдтæм расайдта. Æвдæм поликлиникæ Дзæуджыхъæуы стырдæртæй иу у. Дохтыртæ лæггад кæнынц 80 мин адæймагæн. Объекты цалцæггæнæн куыстытæ ахæсдзысты афæдзы кæронмæ.
