Энергетикон нозт уадзын æмæ йæ парахат кæныны закъон Уæрæсейы куы сфидар кодтой, ууыл азæй фылдæр рацыд. Фæлæ сæ Цæгат Ирыстоны хойрæгты дуканиты тæрхæджытыл нырма дæр фенæн ис. Стæй балхæнæн дæр. Дуканигæстæ закъонæвæрд ницæмæ дарынц. Йæ сæрты хизгæйæ, сæ сывæллæттæн уæй кæнынц. Æхца бакусыны мондагæй уæй кæнынц, спъирт кæм нæй, ахæм энергетиктæ дæр. Афтæмæй та сæ республикон закъонмæ гæсгæ регионы парахат кæныны бар нæй. Закъоны домæнтæ цавæр сты, куыд æххæстгонд цæуынц, æмæ дуканигæстæ сæхи куыд дарынц, уый базонын бафæндыд нæ уацхæссæг Гогаты Мараты.
Афтæ, æнцонæй, цыфæнды хойрæгты дуканийы балхæнæн ис энергетик кæй конынц, ахæм нозт. Тæрхæжытæ сæ дзаг сты. Æмæ дзы цы нæ хуызон ссарæн ис: сæ адмæ, кæнæ хуызмæ гæсгæ. Нозтуадзæн куыстутæтты сыл стыр дамгæтæй æрфыссынц, куыд пайда сты, уый. Афтæмæй та адæймагæн цы зиан хæссын, уый кой дæр дзы нæй.
Энергетикон нозт уадзынц алыхуызæн буаргъæдтæй. Ис ма дзы кофеин дæр. Спъиртхъæстæ нозтимæ сæ куы баназай, уæд адæймагæн свæййы маргджын. Дохтырты ныхæстæм гæсгæ, иу банкæйæ адæймагæн ницы уыдзæн. Фæлæ иуыл чи банцайы. Ахуыр сыл чи у æмæ сыл чи фæцахуыр вæййы, уыдон сæ цалдæргай нуазынц. Нал сæ фефсæдынц.
Статистикæйы бæрæггæнæнтæм гæсгæ, энергетикон нозт арæхдæр скъоладзаутæ æмæ фæсивæд фæнуазынц. Фæлæ сæ кæй науазынц, ууыл æрыгæттæ нæ сæттынц.
Ахæм нозт кæй æлхæнынц æмæ нуазынц, ууыл бирæтæ нæ сæттынц. Æмæ цæуыннæ? Хæрзад ад, рæсугъд цъар æмæ ма дзыпп кæй амоны, ахæм аргъ. Чи сæ уадзы уыдон æмхълæсæй хъæр кæнынц – энергетиктæй хуыздæр ницы ис, медицинон кусджытæ та сæ ныхмæ сты.
Уый ма ницы, фæлæ энергетиктæ уæй кæныны бар нæй. Уый тыххæй ис бæлвырд закъон. Йæ домæнтæм гæсгæ æнахъом сывæллæтæн, стæй рæвдауæндæтты, скъолаты æмæ рынчындæтты цур уæй кæныны бар нæй. Вæййы ма спъирт бирæ кæм нæй ахæм энергетиктæ дæр. Цæгат Ирыстоны закъонмæ гæсгæ сæ республикæйы нæй уæй æмæ парахат кæнын.
Куыд сбæрæг кодтам, афтæмæй иваргонд уæйгæнджыты номхыд нæма ис. Закъоны домæнтæ дæр адæм æмбарын райдыдтой. ныр та рабæрæг уыдзæн – дуканигæстæ цас цæсгомджын сты, уый. Хорз уаид, æфтиæгты фæдыл куы нæ цæуиккой, фæлæ закъоны æмæ сæ цæсгомы домæнтæ куы æххæст кæниккой, уæдэнергетиктæ.
