Республикæйы сæргълæууæг Сергей Меняйло æхсардзинады ордентæ радта, æфсæддон операцийы чи фæмард, уыцы æфсæддонты бинонтæн. Сæрмагонд указ бафыста бæстæйы президент Владимир Путин.
Регионы разамонæг уыд Мæздæджы, Кировы æмæ Рахизфарсы районты. Бынæттон хицауадæн бабар кодта сæрмагонд социалон паспорттæ бацæттæ кæнын. Уыдонмæ гæсгæ хъæбатырты бинонтæм фæкаст цæудзæн алы социалон фарстаты фæдыл.
Чи фæмард, уыдоны хиуæттæн Сергей Меняйло тæфæрфæс ракодта. Загъта, республикæ сæрыстыр кæй у, уыимæ ныфс бавæрдта, бæстæйы сæраппонд кæй хæцыдысты, уый рох кæй нæ уыдзæн.
