Дзанайты Барисы разамындæй уыд министрты кабинетимæ радон æмбырд хицауады æххæстгæнæг оргæнты архайды фарстаты тыххæй. Лæбырдтытæй тæссаг районтæй адæмы раивыны фарстайы Уæрæсейы арæзтады министрадимæ æмгуыстад ахсджиаг у, — фæнысан кодта премьер. Абон ахæм тæссаг уавæры сты цалдæр цæрæн пункты Мæздæджы, Алагиры, Дыгуры æмæ Æрæфы районты.
Дзанайты Барис ма бафарста, куыд æххæстгонд цæуынц фæндаггон куыстытæ Чкаловы уынгæй Мамсыры фырты уынджы онг уаддзагыл. Объектæн ныридæгæн ис контракт. Йæ дæргъ у 550 метры. Сараздзысты дзы æдас тæлмытæ, тротуартæ, ног фæндаггон нысантæ, бырутæ. Хиды бын та сног кæндзысты æфсæн конструкцитæ. Хæдтулгæтæн дзы уыдзæн 6 тæлмы. Куыстытæ сæххæст кæндзысты афæдзы кæронмæ. Национ проект “Цардæн инфраструктурæ”-мæ гæсгæ ацы аз куыстытæ снысан кодтой 17 объекты. 9 сæ ныридæгæн эксплутацийы радтой.
