Дзæуджыхъæуы фæзындзæн креативон индустриты скъола. Ныр 12-æй 17 азы онг фæсивæдæн нырыккон сфæлдыстадон дæсныйæдты архайын æмæ хи фæлварыны фадат уыдзæн лæвар .
Ацы аз фæсивæды исдзысты цалдæр здæхтмæ гæсгæ: хуызист æмæ видеодæсныйад, электронон музыкæ æмæ дизайн. Программæйы æмгъуыд у дыууæ азы. Ахуыры кæрон скъоладзаутæ райсдзысты сæрмагонд æвдисæндартæ. Ахуыртæм бацæуыны фадат ис алкæмæн дæр. Хъæуы æрмæст курдиат бадæттын: анкетæ баххæст кæнын æмæ æмныхас ацæуын. Курдиæттæ исынц 23-æм августмæ. Фылдæр информаци базонæн ис Аивæдты республикон лицейы сæрмагонд сайты.
