Фæлхасгæнджытæм цæстдарды управленийы кусджытæ, транспорты министрад æмæ Уæрæсейы транспортмæ цæстдарды управленийы минæвæрттæ кӕнынц рейдтæ Цæгат Ирыстоны.
Æхсæнадон транспорты шофыртæй, маскæтæ дарыны фæтк чи не`ххæст кæны, уыдоны бӕрӕг кӕнынц. Цы санитарон домæнтæ снысан кодтой, уыдоны тыххæй шофыртæ зонынц. Сæ фылдæр сæ æххæст кæнынц, фæлæ сæм куыдфæндыйы цæстæй чи кæсы, ахæмтæ дæр разыны. Домæнтæ чи не ‘ххæст кæны, уыдоныл ныффыссынц сæрмагонд суагъӕтӕ.
Шофыры фыццаг барадхæлдæн арæхдæр рахæссынц æртхъирæны уынаффæ. Дыккаг æмæ фылдæр фæткхæлдтыты тыххæй шофырты фæивар кæнынц. Ахæм рейдтæ аразынц Дзæуджыхъæуы алы районы дæр. Уæрæсейы фæлхасгæнджытæм цæстдарды управленийы республикон хайады кусджытӕ сидынц цæрджытæм, цæмæй æдасдзинады домæнтæ æххæст кæной. Æхсæнадон транспорты æнæмæнг медицинон маскæтæ дарой.
