Организацийы бафидæн ис цæрæнуæтты-коммуналон хæдзарад, ахуырад æмæ информацион технологиты къабæзты фиддонтæ.
Горæты администрацийы сæргълæууæг аныхас кодта, кусæндонмæ чи `рбацыд, уыдонимæ, байхъуыста сын сæ курдиæттæм. Центры разамынд уазджытæн радзырдта фæстаг дыууæ азы куысты хатдзæгты тыххæй. Уыцы рæстæгмæ сæ къухы бафтыд, информацион-нымайæн центры цы лæггæдтæн бафидæн ис, уыдоны номхыгъд фæфылдæр кæнын. Уымæй уæлдай ма фæфылдæр кодтой фидыны `гъдауы авналæнтæ. Фиддонтæ райсыны пункттæ æдæппæтæй сты 21. Куыстуат æппæты фыццаг райдыдта иумæйаг фидæн гæххæтæй пайда кæнын. Центры кусджытæ ма радзырдтой сæ фидæны пълæнтты тыххæй.
Зæгъæм, тагъд рæстæджы фæзындзæн мобилон уæлæмхасæн æмæ хицæн адæймæгты «кабинеттæ» организацийы сайты. Сæ руаджы, кæй фæнда, уыдон сæ фиддонтæ æххæст кæндзысты ноджы `нцондæрæй. Дзæуджыхъæуы администрацийы сæргълæууæг бабар кодта центры кусджытæн, цæмæй дарддæр дæр архайой сæ лæггæдты хæрзхъæддзинад хуыздæр кæныныл. Хъуамæ мА рох кæной, йе `нæниздзинад хъыгдард кæмæн у, уыцы адæмæн дæр.
