Хъармгæнæн рæстæг райдыдта, æмæ Æнæнхъæлæджы уавæрты министрад æмæ газы службæйы специалисттæ æрвылазон рейдты рацыдысты. Фыдбылызæн бирæ нæ хъæуы, уымæ гæсгæ бæлвырд кæнынц, цæрджыты хъармгæнæн системæтæ уазæлттæм куыд цæттæ сты, уый. Бæлвырддæр нæ дардæры æрмæджы.
Специалист, газы хæтæлы хæйттæ кæм баиу вæййынц, уыцы бынат байсæрды сапонфынкӕй. Ахæм хуызы уайтагъд сбæрæг вæййы, газ искуыцӕй уӕгъдцыд кӕны æви нæ. Фыдбылыз ма ‘руадзыны тыххæй зæрдæхсаинаг хъуыддаджы хъæуы аварион службæмæ фæхабар кæнын. Радон рейды рӕстӕг рабӕрӕг къулымпыдзинæдтæ.
Сæрмагонд гæрзтæй газ уӕгъцыд кӕны æви нæ, уый хи бон раиртасын дæр у. Газ æмхæццæ у одорант, зæгъгæ, буаргъæдимæ. Ис ын йæхи тæф. Хæдзары мидӕг ӕй адӕймаг куы фембара, уæд ӕнӕмӕнг дзургӕ у газы службæйы специалисттæм.
Специалисттæ рейдтæ расидынц ӕрвылаз. Уавæр сбæрæг кæнынц, газы техникон лæггæдты тыххæй бадзырдтæ цы хæдзæрттимæ бафыссынц, уым.
Уазæлтты рæстæг, газæй чи фæхъæстæ вæййы, уыдоны нымæцыл бафты. Æнæнхъæлæджы уавæрты министрады æмæ газы службæйы специалисттæ сидынц цæрджытæм, цӕмӕй, газы гæрзтæй пайда кæнгæйæ, къæрцхъусдæр уой.
