Æнæнхъæлæджы уавæрты РЦИ-Аланийы министрады кусджытæ сывæллæттæн сарæзтой экскурси

Республикæйы æнæнхъæлæджы уавæрты министрады кусджытӕ ахуырдзаутæн скодтой экскурси. Дзæуджыхъæуы 39-æм скъолайы ахуыргæнинæгты суазæг кодтой 16-ӕм зынгсирвӕзтон-ирвӕзынгӕнӕн хайады. Йæ командир Тотраты Тимур скъоладзауты базонгӕ кодта зынгхуыссынгæнæджы куыстимæ, радзырдта сын зын дæсныйады хицӕндзинӕдты тыххӕй, уыимæ зынгвæдисонтæ ӕрвылбон цӕуыл ӕмбӕлынц, уый тыххӕй. Фæсивæд базыдтой ирвæзынгæнджыты архайды тыххӕй, уавӕрӕн куыд раст аргъ скӕнын хъӕуы, куы бахъӕуа, уӕд адӕмы эвакуаци саразын ӕмӕ арт ахуыссын кӕнын. Скъоладзаутӕн бацамыдтой, зынгсирвӕзтон-ирвӕзынгӕнӕн хайады цы ифтонггæрзтæ æмæ техникӕ лӕууы, уый, хӕдтулгӕтӕ ифтонг кӕнын ӕмӕ сын радзырдтой сӕ гӕнӕнты тыххӕй зынгсирвӕзтытӕ хуыссын кӕнгӕйӕ.