Дзæуджыхъæуы байгом Цæгат Каквказы федералон зылды бархион медицинон кусджыты скъола. Форум кусдзæн æртæ боны.
Абон уал алы республикæты минæвæрттæ æрдзырдтой медицинæйы сæйраг фарстатыл. Ахуырты ма архайдтой æнæниздзинад хъахъхъæныны Федералон центры минæвæрттæ. Форум аразджыты ныхæстæм гæсгæ, бархионтæн сараздзысты хъæугæ медицинон тренингтæ, дæсныйадæвдисæг æмæ æндæр ахуыртæ. Уымæй уæлдай ма дзы уыдзæн медицинон эксперттимæ фембæлдтытæ. Форум арæзт æрцыд æппæтуæрæсеон æхсæнадон змæлд «Бархионтæ-медицинон кусджыты» хъæппæрисæй. Йæ сæйраг нысан у – æнæниз царды уаг парахат кæнын.
