Æнæзакъонæй электрон тыхæй чи пайда кæны, 80 ахæм цауы раиртæстой энергетиктæ

«ЦæгатКавказЭнерго»-йы кусджытæ дарддæр аразынц сæрмагонд мадзæлттæ, æнæзакъонæй электрон тыхæй чи пайда кæны, уыдоны раиртасынæн. Ацы аз, специалистты бæрæггæнæнтæм гæсгæ, нæ республикæйы рабæрæг кодтой æнæзакъонæй электрон тыхæй чи пайда кодта, 80 ахæм цауы. Уый, æмткæй райсгæйæ, у 1 милуан сомæй фылдæр. Энергетикты ныхæстæм гæсгæ, уый фаг уаид, дæнцæгæн, Дыгуры районы цæрджытæн 10 боны электрон тыхæй пайда кæнын. Уым ныртæккæ цæры 18 мин адæймаджы. Æххæссынц 630 киловатыл сахатмæ. Уыимæ ма районы ис 10-гай промышленнон куыстуаты æмæ æндæр ахсджиаг социалон объекттæ. «ЦæгатКавказЭнерго»-йы кусджытæ куыд зæгъынц, афтæмæй закъонхалджыты ныр хъæудзæн дзæвгар фылдæр фидын. Сæ хъуыддæгтыл дарддæр кусдзысты барадхъахъхъæнджытæ. Æвзиды сæм куыд административон, афтæмæ уголовон æгъдауæй æфхæрд. Уыимæ ма, энергетиктæ бадомдзысты, тæрхондоны руаджы, цæмæй закъонхалджытæ цы зиан æрхастой, уый фæстиуджытæ аиуварс кæной. Уæ зæрдыл ма уын æрлæууын кæндзыстæм, «ЦæгатКавказЭнерго» 2018 азы рабæрæг кодта æнæзакъонæй электрон тыхæй чи пайда кодта, ахæм цауы 130-æй фылдæр. Æхцайы фæрæзтæй уый у – 1 милуан æмæ 500 мин сомы. Тæрхондоны уынаффæмæ гæсгæ дзы фæстæмæ бадомтой 1 милуан сомы.