Æнæзмæлгæ мулчы иумæйаг паддзахадон реестрæй сæрмагонд информациимæ документ райсыны тыххæй цæрджыты иу хайы паддзахадон пошлинæ фидын нæ хъæудзæн

12.05.2025 15:36

Фыццаджыдæр лæггад исынц æфсæддон цауты æмæ Фыдыбæстæйы Стыр хæсты ветерантæ, фыццаг æмæ дыккаг къæпхæны инвалидтæ, уыимæ бирæсывæллонджын бинонтæ.

Æнæзмæлгæ мулчы иумæйаг паддзахадон реестрæй сæрмагонд информациимæ документ райсыны тыххæй цæрджыты иу хайы паддзахадон пошлинæ фидын нæ хъæудзæн. Фыццаджыдæр лæггад исынц æфсæддон цауты æмæ Фыдыбæстæйы Стыр хæсты ветерантæ, фыццаг æмæ дыккаг къæпхæны инвалидтæ, уыимæ бирæсывæллонджын бинонтæ. Сæрмагонд документ райсыны фæдыл курдиат бадæттæн ис паддзахадон лæггæдты порталы æмæ бирæвæрсыг центры. Уымæй уæлдай ма ныр сæрмагонд æфсæддон операцийы чи фæмард æмæ уыдоны æнæнзмæлгæ мулк кæмæн баззад, уыцы адæмы бон сæ у æнæ паддзахадон пошлинæйæ срегистраци кæнын. Хъæуы дзы æрмæст уавæр чи бæлвырд кæны, ахæм документтæ. Фыдыбæстæйы Стыр хæсты ветеранты курдиаттæм, кадастрон хыгъдмæ бахæссыны, кæнæ æнæзмæлгæ мулк срегистраци кæныны фæдыл, кæсынц 1 кусгæ фоны дæргъы лæвар. Сæрмагонд æфсæддон операцийы архайджытæ æмæ сæ бинонтæ дæр дзуапп сæ фæрстытæн райсдзысты цыбыр рæстæгмæ.

Предыдущий материал

Дзæуджыхъæуы ацыд Парады генералон репетици

Следующий материал

Бæрæгбæтты рæстæг боныхъæд хурæфсæст рауад. Бирæтæ традицимæ гæсгæ сæ фæллад суагътой æрдзы хъæбысы

Читайте также

Все новости