Бæрæгбæтты рæстæг боныхъæд хурæфсæст рауад. Бирæтæ традицимæ гæсгæ сæ фæллад суагътой æрдзы хъæбысы

Бæрæгбæтты рæстæг боныхъæд хурæфсæст рауад. Бирæтæ традицимæ гæсгæ сæ фæллад суагътой æрдзы хъæбысы. Фæлæ Уæрæсейы фæлхасгæнджытæм цæстдарды цæгатирыстойнаг управленийы кусджытæ сидынц фæлладуадзæн бонты дæр къæрцхъус уæвын кæй хъæуы. Ахсджиаг у тъæнгты инфекциты профилактикæ æххæст кæнын. Ныртæккæ республикæйы уавæр сабыр у, ис æм хъæугæ цæстадрад. Медицинон куыстуæттæм æххуысмæ чи фæсиды, уыдоны 80% сты сывæллæттæ. Специалисттæ амонынц дон æрмæстдæр фыхæй кæнæ авджы уагъдæй нуазын. Хæрзæхсад кæнын халсартæ, дыргътæ, гагадыргътæ. Лæмбынæг сын кæсын сæ пайда кæныны æмгъуыдмæ. Ацы афон адæмæн уæлдай тæссагдæр вæййы джыбытæй. Уалдзæджы райдианæй фæхæцыдысты 150 адæймагыл. Уæ зæрдыл уын æрлæууын кæндзыстæм, джыбы адæймаджы буарæй хъуамæ сæфтауа дохтыр. Лыстæг цæрæгойæ хи бахъахъхъæнынæн æрдзмæ цæугæйæ хъæуы æхгæд дзабыртæ æмæ даргъдыс уæлæдарæс скæнын. Æхснырсæг æмæ гриппы кой куы кæнæм, уæд ныртæккæ уавæр сабыр у. Ныр цыппар къуырийы коронавирусимæ баст цаутæ нысангонд не рцыд. Дарддæр цæуы полиомиелит æмæ фадынæджы ныхмæ иммунизаци.