Æппæтадæмон фестиваль “Театралон уалдзæг” дарддæр цæуы Цæгат Ирыстоны. Æркасты архайынц республикæйы, уыимæ Хуссар Ирыстонæй скъолаты театралон къордтæ. Афтæ, æрæджы къамисы уæнгтæ аргъ скодтой Суададжы цы спектакль бацæттæ кодтой, уымæн. Сценæмæ рахастой спектакль “Золушка” ирон æвзагыл, уый уыд сæйраг критерий. Мадзаларазджытæ, уыимæ къамисы уæнгтæ — республикæйы Театралон цæдисы уæнгтæ. Ацы аз фестиваль снысан кодтой Уататы Бимболатæн.
Суададжы къорд конкурсы сæ курдиат равдисыныл архайынц æрвылаз дæр. Спектакль “Золушка” сæвæрдта Зæнджиаты Заремæ. Уæвгæ, культурæйы галуаны архайынц сæдæ сывæллонæй фылдæр, 9 здæхтмæ гæсгæ. Фестивалæн хатдзæгтæ скæндзысты уалдзæджы кæрон. Уæлахиздзауты схорзæхджын кæндзысты. Мадзаларзджыты ныхæстæм гæсгæ, аорхайджыты нымæц æрвылаз фылдæр кæны.
