Æппæтадæмон наукон журнал «Нартамонгæ» та ногæй рухс фендзæн. Ирон культурæйы тыххæй рауагъд фæстаг хатт кæсджытæ федтой афæдз размæ. Журналы ног номыр баст уыдзæн ирон æвзаг, истори, мифологи æмæ культурæимæ. Журнал равзæрд 18 азы размæ. Йæ аразджытæ уыдысты стыр ахуыргæндтæ-лингвисттæ Абайты Васо æмæ Гусалты Анатолий. Фыццаг дыууæ номырæн презентаци сарæзтой Парижы æмæ Миланы. Ног презентаци кæм æмæ цавæр æмвæзадыл ацæудзæн, уый нын радзурдзæн нæ уазæг.
Нæ студимæ æрбахуыдтам Уæрæсейы ахуыргæндты академийы наукон центры цæгатирыстойнаг филиалы разамонæджы хæстæ рæстæгмæ æххæстгæнæг, журнал «Нартамонгæ»-йы сæйраг редактор Цыбырты Алексейы.
