Адæмы удæнцойæн не сты. Ахæм хъуыдыйыл хæст сты Дзæуджыхъæуы цæрджытæ ног къæйдурты тыххæй. Арæзтадон куыстытæй разыйæ нæ баззадысты. Уый тыххæй сæ хъаст бахастой Æппæтуæрæсеон адæмон фронты регионалон хайадмæ.
Объекттæй иу – Къесаты Астаны номыл уынджы 40-æм скъоламæ фистæгцæуджыты сæрмагонд бынат. Йе `нæниздзинад хъыгдард кæмæн у, уыцы адæм уыимæ ма ныййарджытæ сабитимæ коляскæйы æнæ искæй æххуысæй къæйдурты сæрты нæ ахиздзысты. Ахæм уавæрмæ æхсæнады уæнгтæ раиртæстой дыууæ адрисыл. Уыимæ ма ахизæнтæй иу быцæу кæны æфсæйнаг бырумæ. Уымæ гæсгæ фистæгцæуджыты фæхъæуы хæдтулгæты фæндагмæ рахизын. Ахæм уавæр ма ис Калинины номыл уынгыл дæр. Æппæт аиппыты тыххæй дæр Æппæтуæрæсеон адæмон фронты уÆнгтæ сæрмагонд гæххæтытæ арвыстой Дзæуджыхъæуы администрацимæ.
Цы фиппайнæгтæ фæнысан кодтам, уыдон арвитдзыстæм горæты администрацимæ. Цæмæй хъуыддагыл бакусой. Уыимæ ма æппæт хъæугæ мадзæлттæ саразой, цæмæй адæм къуылымпыдзинæдтæ ма `ййафой.
