Æппæтуæрæсеон форум “Благополучие 2030” ацыд Липецкы

Æппæтуæрæсеон форум “Благополучие 2030” ацыд Липецкы. Сæйраг темæты ‘хсæн – социалон программæты æххæсткæнынад, мæгуырдзинадимæ тох æмæ бинонты æфтиæгтæ фылдæр кæнын. Мæгуырдзинады бæрæггæнæн бæстæйы 2030-æм азмæ хъуамæ уа 7%-æй къаддæр, 2036-æм азмæ та 5%-æй къаддæр. Ахæм хæс Национ нысанты фæлгæты сæвæрдта бæстæйы президент. Цæгат Ирыстоны, сæ æфтиæгтæ фæцæрынæн æппынкъаддæры бæрцæй фылдæр кæмæн не сты, ахæм цæрджыты нымæц фæкъаддæр 11,5 % онг. Фæстаг 10 азмæ уый у мæгуырдзинады æппæты ныллæгдæр бæрæггæнæн. Фæлæ ма бакусинаг фарстатæ ис. Уæлдай ахсджиаг у фæкæсынцух бинонты фарсмæ балæууыны хъуыддаджы социалон контракты хуызы паддзахадон æххуыс бакæнын. Йæ райрæзты гæнæнтыл ныхас цыд стратегион сессийы. Программæ арæзт уыд къордтæм гæсгæ практикон архайдæй. Уым бакуыстой регионалон мæгуырдзинадимæ тох кæныны программæ саразыныл.