Цæгат Кавказы истори æмæ культурæйыл æрдзырдтой æрыгон ахуыргæндтæ. Æрвылазон æппæтадæмон скъола-конференци цæуы Цæгат Ирыстоны паддзахадон университеты.
Мадзал снысан кодтой Уæрæсейы наукæйы æмæ уæлдæр ахуыргæнæндоны историон факультеты 100 азы бонмæ. Æмбырды архайдтой Цæгат Кавказы Федералон зылды паддзахадон университетты делегацитæ. Æдæппæтæй адæмы рæгъмæ рахастой 20 наукон куысты. Сæ сæйраг темæ: Кавказы истори, археологи æмæ культурæ ивгъуыд æмæ ныры дуджы. Ныхас ма цыд регионты нырыккон политикон, æхсæнадон æмæ культурон фарстатыл дæр. Конференцийы фæлгæты архайджытæн фадат уыд дæсныйад æвдисæн ахуырты æмæ лекциты бацархайын. Амыдтой сæ раззагдæр ахуырггæндтæ.
