Дзанайты Барис амыдта раззагдæр проекттæ æххæст кæныны фæдыл сæрмагонд æмбырд

19 миллиард сомы аргъæн æмæ 3 мин куысты бынаты. Æрвылазон туристон комплекс “Мамысон”-ы арæзтад дарддæр цæуы Цæгат Ирыстоны. Ныридæгæн дзы цæттæ у рæтæн фæндаджы фыццаг цæджындз. Объект хъуамæ радтой 2025-æм азы. Уый тыххæй хицауады æмбырды премьер Дзанайты Барисæн фехъусын кодта сæргълæууæджы æххуысгæнæг Моргуаты Константин. Радзырдта “Къæхтысæр”-ы комплексы фæзуаты уавæры тыххæй дæр. Ныридæгæн ыл схардз кодтой 1 млрд 500 мин сомы. Ацы азмæ дæр ын радих кодтой 200 милуан сомы. Хæстæгдæр рæстæг бафысдзысты бадзырд модулон бæстыхæйтты арæзтадæн. Мит цæттæ кæнæн гарз та балхæдтой раздæр. Уымæй уæлдай ма ныхас кодтой хъæрмуæттæ æмæ агроэкотуристон парк “Земля Осетии”-йы арæзтадыл. Балер кæсаджы хæдзарад æмæ таможнæйы логистикон парк “Южные ворота”-йыл.