Æрыдоны, Дигорайы æмæ Мæздæджы сæвæрдтой электромобильтæ ифтонг кæнæн станцæтæ. Уый тыххæй йæ телеграм-каналы фехъусын кодта Сергей Меняйло. Афæдзæй афæдзмæ кæнынц парахатдæр.
Электромобильты хицæуттæ куыд зæгъынц, афтæмæй ахæм хæдтулгæтæ сты асламдæр, стæй экологийæн зиан нæ хæссынц. Ныртæккæ арæзт цæуынц алыхуызон уавæртæ, аразынц хъæугæ инфраструктурæ. Иу станцæ та ма фæзынд Дзæуджыхъæуы. Сæргълæууæджы ныхæстæм гæсгæ уый уыдзæн егъау проект. Уыимæ ма нæ республикæ банымадтой хуыздæрыл Цæгат Кавказы федералон зылды “Электромобиль и водородный автомобиль” паддзахадон программæ кæм æххæст кæнынц, уыдоны ‘хсæн. Цæгат Ирыстоны ма афæдзы кæронмæ фæзындзæн 25 станцæйы. Ныртæккæ Дзæуджыхъæуы сты Коцойы-фырты æмæ Барбашовы уынгты, Мæскуыйаг шоссейы æмæ Къостайы проспекты. Æрыдоны – Пролетарскийы уынджы æмæ горæты фæстры цæуæг фæндагыл, Дигорайы та Бердиаты Солтанбеджы номыл уынджы.
