Æрыдоны районы сæйраг рынчындоны стационарон палатæйӕн æркалд йæ цар. Нæ республикæйы æнæниздзинад хъахъхъæныны министрады куыд фæнысан кодтой, афтæмæй дзы хъыгдæрд ничи баййæфта.
Ныридæгæн уал уыцы агъуыстӕй рынчынты ракодтой æндæр палатæмæ. Исынц хъæугæ медицинон æххуыс. Рынчындоны хицауады ныхæстæм гæсгæ, ацы цауы фæстиуджытæ аиуварс кодтой. Арæзтадон организаци кусы бынаты. Куыстытæ куы фæуой, уæд æрхондзысты сæрмагонд специалистты. Уыдон сараздзысты экспертизæ.
Джихаты Стеллæ, РЦИ-Аланийы æнæниздзинад хъахъхъæныны министрады пресс-секретарь: «Ныридæгæн уæлцъар рацарæзтой. Специалисттæ кусынц бынаты. Кæд исты хъæндзинæдтæ ссарынц, уæд сæ аиуварс кæнынц. Зæгъæм: зыхъхъыр бынæттæ къултыл æмæ æндæртæ. Кæронбæттæн хатдзæгтæ æмæ фиппаинæгтæ Æнæниздзинад хъахъхъæныны министрад арвитдзæн Арæзтад æмæ архитектурæйы министрадмæ».
