Абон Мамиаты Олегæн республикæйы цæрджытæ загътой фæстаг фæндараст. 17-æм майы батальон «Пятнашка»-йы къомандыгæнæг Донецкы Адæмон республикæйы фæмард.
Донбассмæ Мамиаты Олег ацыд Киевы змæстытæ куы райдыдтой, уæд. Хæцыд æфсæддон хайад «Восток»-ы æмæ архайдта бирæ хæстон операциты. Уый фæстæ Мамиаты Олег сси интернационалон къорд «Пятнашка»-йы разамонæг. Къорд хъахъхъæдта Донецкмæ хæстæг тæссагдæр ран. Абон Мамиаты Олег йе `нусон бынат ссардта Хъайтарты Аллейы Дзæуджыхъæуы хуссаргæрон. Саударæн мадзæлттæм æрбамбырд сты йæ хæстæджытæ, йæ хæлæрттæ, чи йæ зыдта, уыдон.
