Бæстæйы президенты æвзæрстыты Цæгат Ирыстоны бирæтæ кæй архайдтой, уый хуымæтæджы нæу. Алчидæр хъæлæс кодта йæ фидæныл. Уыимæ ма процедурæйы æппæт мадзæлттæ регионы арæзт æрцыдысты бæрзонд æмвæзадыл.
Цæгат Ирыстоны ирон театры аивадон разамонæг Уалыты Гиви куыд зæгъы, афтæмæй цы историон цаутæ цæуы, уыдон бæстæйы æмæ республикæйы цæрджытæ æмбарынц. Уымæн æмæ нæ тых ис нæ иудзинады.
Дæрддзæф, хæххон хъæуты цæрджытæн дæр схъæлæс кæнын фадат уыд. Æвзарæн хайад равæрдтой се ‘ппæтæн зонгæ туристон бынаты.
