Афæдзы кæронмæ Цæгат Ирыстоны сæвæрдзысты 522 контейнеры 130 ног фæзуатыл

Афæдзы кæронмæ Цæгат Ирыстоны сæвæрдзысты 522 контейнеры 130 ног фæзуатыл. Бирæ цæрæн пунктты ныртæккæ цы бактæ ис, уыдон нæ фаг кæнынц — адæм бырæттæ рахæссынц æмæ фырдзаг контейнертыл сæмбæлынц. Уый фæдыл контейнерон парк уæрæх æмæ ног кæнын райдыдтой. Ныртæккæ 240 бакы балхæдтой æмæ 37 фæзуаты бацæттæ кодтой. Фыццаджыдæр сæ æвæрынц, бырон фылдæр кæм æмбырд кæны, уым. Зæгъæм, Беслæны Ленины, Коминтерны, Дзæрæхохы фырты æмæ 8-æм мартъийы уынгтыл 20 ног контейнеры фæзынд. Уыцы иу рæстæг профилон министрад æппынæдзух æмархайд кæны регоператоримæ, цæмæй бактæ фæткмæ гæсгæ сыгъдæггонд цæуой. Дзæуджыхъæу æмæ Мæздæджы та цæрæнуатон-коммыналон хæдзарады министрад фæлварæн хуызы сарæзта мобилон уæлæфтуан. Йæ фæрцы æппынæдзух цæст дарæн ис бырон ласыны хæрзхъæддзинадмæ.