Ахуырадон центр “Эрудит”-ы фæлвæрдтой куклаты кинонывтæ цæттæ кæнын. Дæсныйадæвдисæг ахуыртимæ сæм ссыд мультипликатор Михаил Тумеля.
Хъуыстгонд “Сыгъзæрин уадындз”-ы дæнцæгыл сывæллæттæн равдыстой куклаты цард бауадзæн куыд ис, уый. Зæгъын хъæуы уый, æмæ нывгæнæг йемæ сласта съемкæты цы экземпляртæй пайда кодтой, уыдон.
Михаил Тумеляйы сæйраг куыстытæй иуыл ацы аз сæххæст 30 азы, мультфильм абон дæр ма у Нарты Кадджыты иунæг экранизаци. Йæ скæнынæн 92-æм азы режиссер сæрмагондæй ссыд нæ республикæмæ, иртæста дæсгай чингуытæ Ирыстоны историйы тыххæй.
Уæ зæрдыл уын æрлæууын кæндзыстæм, мультипликатор регионы фæуыдзæн 15-æм ноябрьмæ, йæ лекцитæм байхъусæн та йын ис Кинойы хæдзары.
