Иумæйаг паддзахадон фæлварæнтимæ баст фæрстытæн дзуапп райсæн ис афæдзы дæргъы. Уый тыххæй ахуырад æмæ наукæйы министрады кусы телефонæй комкоммæ бастдзинад. Консультанттæ æдзух цæттæ сты æппæт фæрстытæн дæр дзуапп радтынмæ. Бонмæ сæм æппынкъаддæр 50 адæймаджы æрбадзурынц.
Ахуырад æмæ наукæйы министрады дзуапп дæттынц æрмæст скъоладзаутæ æмæ абитуриенттæн нæ, фæлæ ма сæ ныййарджытæн дæр. Фыццаджыдæр сæ базонын фæнды фæлварæнты фæтк æмæ домæнты тыххæй. Вæййы афтæ, æмæ рауагъдон рагагъоммæ цы предметтæ равзæрста, уыдон æй фæнды баивын. Кæнæ та фæлварæн æндæр бон радтын. Ныййарджытæ ма арæх фæрсынц, сæ сывæллон куы фæрынчын уа, уæд сæм цы `нхъæлмæ кæсы. Кæд æмæ кæм у йæ бон фæлварæн радтын, цавæр гæххæттытæ сæ хъæуы бацæттæ кæнын, уыдæттæй. Министрады куыд зæгъынц, афтæмæй ма специалисттæ психологон æххуыс дæр кæнынц. Иумæйаг паддзахадон фæлварæнты тыххæй алкæй бон у æрбадзурын комкоммæ бастдзинады телефоны номырмæ: 53-49-40.
