Зæрдылдарæн къам Намысы Мемориалы, Сыгъдæг Георгийы цыртсурæт цы цæджындзыл ис, уый цур. Алагиры 5-æм скъолайы ахуырдзаутæн ацы бынатæй райдытдта сæ экскурси æфсæддон бынæттæм. Фæсивæдæн радзырдтой цымыдис историон цауты æмæ ирон адæмы хъæбатырдзинады тыххæй хæсты быдыры.
Ахуыргæнæн чингуыты сыфтæ ирд æмæ зæрдæмæдзæугæ мысинæгтæм раивын, рæзгæ фæлтæрмæ æцæг цымыдисдзинад сæвзæрын кæнын сæ бæстæйы ивгъуыдмæ. Ахæм фадат дæтты проект “Уæлахизы фæндæгтæ”. Скъоладзаутæ бабæрæг кодтой “Барбашовы фæз”, базыдтой зындгонд инæлар Плиты Иссæйы сгуыхтдзинæдтæ. Экскурсийы кæронбæттæн — Национ музейы. Уым фæсивæд базонгæ сты Фыдыбæстæйы Стыр хæсты тыххæй равдыстимæ. Ахуыргæнджытæ кæддæриддæр ахæм хъæппæристы фарс рахæцынц, уымæн æмæ æвзæрын кæнынц уарзондзинад Фыдыбæстæмæ, иузæрдиондзинад Райгуырæн зæххыл.
Æппæтуæрæсеон æфсæддон-патриотон программæ “Уæлахизы фæндæгтæ” арæзт у лæвар экскурситæй. Æххæссынц æфсæддон намысы сæйраг бынæттæ, горæт-хъайтартæ, фæсчъылдымы регионтæ, Дард Хурскæсæн æмæ Хуссары арæнтыл.
Ацы эксурситæ зонгæ кæнынц фæсивæды хæстон сгуыхтдзинады ахсджиаг бынæттимæ, ис сæ схонæн патриотизмы скъола. Æмæ уый фæсивæды ‘хсæн хъахъхъæны историон æцæгдзинад. Æнкъарын сын кæны, ирон адæм хæсты рæстæг цы зындзинæдтæ баййæфтой , уыдон.
Проект æххæст кæнын райдыдтой 7-æм майы æмæ баст у Стыр Уæлахизы 80 азимæ. Расидтысты йæ “Мидтуризмы райрæзты агентад”, бæстæйы рухсады министрад æмæ Уæрæсейы æфсæддон-историон æхсæнады æххуысæй. Цæгат Ирыстоны аххæссыд 2 мин адæймагыл. Йæ сæйраг нысан ахъаззаг — рæзгæ фæлтæр хъуамæ сæхи цæстæй феной тохы ахсджиаг бынæттæ, хуыздæр зоной бæстæйы истори, Фыдыбæстæ хъахъхъæнджыты сгуыхтдзинæдтæн аргъ кæной.
