Командӕ” Арвӕрттывд ” ӕххӕстӕй раст кӕны клубы ном. Уыдон рӕвдз змӕлынц, пуртиимӕ архайынц ӕмӕ уынаффӕтӕ кӕнынц. Фарон лæппутæ фæуæлахиз сты республикон ерысты. Ацы сезоны дӕр фæнд кæнынц раззагдæр уæвын. Тренировкӕты сæхиуыл бæстон кусынц, ног турниртæм цӕттӕ кӕнынц, разӕй ис дыууӕ ахсджиаг хъазты. Ӕвзонг футболисттӕ зонынц, дисциплинӕ цы у, уый.
Лæппутæ архайынц Алагиры спорткомплексы. Ныртӕккӕ бæстыхай цалцӕг кӕнынц. Фӕлӕ тренировкӕтӕ дарддӕр цӕуынц, бӕлвырд фӕткмӕ гӕсгӕ. Агъуыстытæ сног кæнын рагæй хъуыд. Зӕронд коммуникацитӕ, уымӕлад ӕмӕ згъӕлгӕ къулсӕрст, уыдон сты фарстаты иу хай.
Бирӕ азты фæстæ фыццаг хатт цæуы бындурон цалцӕг. Саив кӕндзысты къултӕ ӕмӕ цар, баивдзысты рудзгуытӕ, пъолтӕ ӕмӕ ӕппӕт цæджындзтæ. Нырыккон суыдзӕн разуынд дӕр. Раздӕр цы агъуыстытӕй нӕ пайда кодтой, уыдонæй скæндзысты спортивон залтæ, ӕдӕппӕтæй уыдзысты цыппар. Ӕхсызгон ногдзинад – уӕрӕх ӕмӕ ӕнцонвадат уæлæдарæсивæнтæ.
Ӕдӕппӕтӕй ам архайынц авдсӕдӕ сывӕллонӕй фылдӕр. Секцитӕ сты алыхуызон: хъӕбысхӕст, футбол, аивадон гимнастикӕ ӕмӕ дзюдо. Чызджытæ æмæ лæппутæ суинаг сты, уыдон æппынæдзух рамбулынц егъау ерысты. Уымӕ гӕсгӕ Алагиры районы уӕлдай тынгдӕр хъуыд нырыккон спорткомплекс.
Бригад кусы æмгъуыдмæ гæсгæ. Æрвылбон фæзыл архайы дæсгай специалисты. Куыстытæ фæуынвæнд кæнынц афæдзы кæронмæ.
