Фыдыбæстæйы хъахъхъæнæджы боны агъоммæ Алагиры скъоладзаутæн кадджын уавæры радтой кадетты æвдисæндартæ. Ныридæгæн Цæгат Ирыстоны скъолаты ис 16 кадетон къласы. Æрыгон æфсæддонты къластæ ма фæзындзæн республикæйы иннæ районты дæр. Бæлвырддæр нæ дардæры æрмæджы.
Ныр ацы лæппутæ æмæ чызытæ хæсдзысты кадетты ном. Алагиры, фыдыбæстæйы хæстонты цыртдзæвæны цур, скъоладзаутæн кадджын уавæры радтой кадетты æвдисæндартæ. Æмæ кæд ацы сабитæ 5-æм къласмæ йедтæмæ нæма цæуынц, уæддæр æй æмбарынц, цы ахсджиаг хæс сыл æвæрд уыдзæн, уый.
Ныридæгæ Цæгат Ирыстоны скъолаты ис 16 кадетон къласы. Ам сывæллæтты хъомыл кæнынц æфсæддон-патриотон нысантæ хынцæгæ. Ацы куыст кæнынц республикæйы сæргълæууæг Сергей Меняйлойы хъуыдымæ гæсгæ. Уæвгæ, кадетты рæнхъытæ баххæст кæнынмæ сывæллæттæ ацыдысты сæрмагонд æвзæрстытæ. Фæсивæды хъуыди фæлварæн ратын уырыссаг æвзаг æмæ историйæ. Стæй сæ физикон цæттæдзинад сбæлвырд кæнын.
Кадеттæ цæудзысты алывæрсыг ахуыртæ. Архайдзысты спортивон секциты, уæдæ хъуамæ зоной рæнхъыты цæуын дæр. Иу ахсджиаг хъуыддаг та ма — криминалистикæ. Уыимæ иумæ, лæппутæ æмæ чызджыты ахуыр кæндзысты кафын дæр.
Æрыгон æфсæддонты къластæ фæзындзæн республикæйы иннæ районты дæр. Ныртæккæ сæ байгом кæнынмæ сæхи цæттæ кæнынц Дыгуры æмæ Æрæфы районты скъолатæ дæр.
