Зæрдæйы æмæ дадзинты низтæй чи амард, уыдоны нымæц Цæгат Ирыстоны 6% фæкъаддæр. Æвзæр низы амæттаг чи бацис, уыдоны нымæц та фæфылдæр. Уый тыххæй пресс-конференцийы рæстæг журналисттæн фехъусын кодта вице-премьер Александр Реутов.
Æмбырды ма æрдзырдтой регионы медицинæйы къабазы æндæр фарстатæ дæр. Хицауады сæрдары хæдивæг куыд загъта, афтæмæй кадрты фарста абон нæ сæвзæрд. Абон цух ййафынц 121 вакансийы 35 специалистæй. Фылдæр къуылымпыдзинæдтæ ис Мæздæджы районы.
Ахсджиаг фарстаты ‘хсæн ма льготæйы хуызы хостæ чи исы, уыдоны ифтонгад. Фæстаг бæрæггæнæнтæм гæсгæ, регионы сæкæрниз рабæрæг 21 мин цæрæгмæ. Сæ æрдæгæй къаддæры инсулин хъæуы. Цух дзы не ййафынц. Вице-премьер ма куыд радзырдта, афтæмæй пациенттæн рæуджыты аппарат кæмæн хъæуы, уыдонæн се ‘ппæтæн дæр ис. Хъæстмæ сæ ничи æрбацыд.
