Астæуыстæджы магъзы донорты Æппæтуæрæсеон егъау марфоны бацархайдта Дзæуджыхъæу дæр

Астæуыстæджы магъзы донорты Æппæтуæрæсеон егъау марфоны бацархайдта Дзæуджыхъæу дæр. Абон райсомӕй дугъмæ рацыдысты нæ активисттæ. Азгъорын сæ хъуыд 42 километры. Уый бæрц хæрзаудæн фонд “Вторая жизнь”-ы бындурæвæрæг азгъоры алы бон дæр. Йæхæдæг цæры Тверы, фæуæлахиз лейкозыл. Уыдис ын химиотерапийы 31 курсы. 4-æм сентябры марафон райдыдта Улан-Удэйы. Æмæ фæуыдзæн Астраханы – уый уыдзæн 57-æм хатт, кæм æрлæудзысты, уыцы бынат. Архайджытæй бирæтæ бацыдысты Астæуыстæджы магъзы донорты Федералон регистрмæ. Ныртæккæ дзы ис 205 адæймаджы. Афтæмæй та алы аз трансплантации бахъæуы нæ бæстæйы 5 мин цæрæджы, уыдонæй 900 сты сывæллæттæ. Хæрзаудæн фонды разамонджытæ куыд зæгъынц, афтæмæй донорты нымæц фæфылдæр кæнæн ис. 500 адæймаджы онг. Уый руаджы нал хъæудзæн фæсарæйнаг регистртæм курдиæттæ æрвитын, уæлдайдæр та санкциты рæстæг.