Цæгат Ирыстоны арæзт æрцыд фыццаг наукон-практикон конференци. Бабастой йæ Ирыстон Уæрæсейы хыгъдмæ куы бацыд, уыцы цауы 250 азы бонимæ. Наукон мадзалы бацархайдтой раззагдӕр эксперттæ æмæ ахуыргондтæ Уæрæсейæ, Иранæй, Сомихæй, Абхазийæ æмæ Хуссар Ирыстонæй. Конференци арæзт æрцыд Уæрæсейаг историон æхсæнад, Фонд “История Отечества”, Цæгат Ирыстоны пажддзахадон университет, республикæйы историйы æмæ археологийы институт.
Мадзалы архайджытæ æрныхас кодтой Алани-Ирыстон Уæрæсеимæ кæй баиу, уыцы темæйыл, стæй нырыккон Кавказ иртасыныл архайды лыггæнинаг фарстатæ. Конференци адих кодтой тематикон хæйттыл: Кавказы адæмты хæттытæ Уæрæсейы хыгъды, Алани-Ирыстоны социалон æмæ культурон райрæзт, чырыстон Ирыстон Уырыссаг аргъуанты хыгъды, стæй уæрæсейаг-кавказаг ахастдзинæдтæ нырыккон дуджы. Райсом та конференцийы дыккаг бон уыдзæн Зæрæмæджы, Магкаты Зурабы райгуырæн хъæуы. Уый уыд зындгонд ирон дипломат, æхсæнадон æмæ паддзахадон архайæг.
