Ацæргæ адæмы æмæ инвалидты хæдзар-интернат дарддæр аразынц.
Социалон ахсджиаг объект æрбынат кодта Доны станцæйы ‘рдыгæй. Проектмæ гæсгæ пансионаты уыдзæн 6 блокы. Фæразон уыдзысты зæххæнкъуыстæн. Бæстыхай у æртæуæладзыгон ис дзы ныккæнд дæр. Агъуыстытæ уыдзысты иу кæнæ дыууæ бынатимæ. Сараздзысты ма дзы хæрæндон, актон зал, медицинон хайад, гимнастикæйы, физкультурæйы залтæ æмæ чиныгдон. Æмбæлгæ уавæртæ дзы арæзт уыдзæн йе ‘нæниздзинад хъыгдард кæмæн у, уыцы адæмæн дæр. Ныртæккæ æвæрынц æфсæн æмæ бетонæй конд цæджындзтæ, амайынц дæлкъул. Специалисттæ куыд зæгъынц, афтæмæй
бындур саразын æппæты зындæр хай у. Уæладзгуытæм куы рахизой, уæд архайд фенцондæр уыдзæн. Йæ фæзуат у 15 мин квадратон метрæй фылдæр. Куыстытæ дзы цæуынц нацпроект “Демография”-мæ гæсгæ. Хæдзар-интернат раттынвæнд кæнынц 2026-æм азы. Бæстыхайы æддаг бакаст саив кæндзысты къухæй формæгонд агуыридуртæй.
