“Дзырдуарзаг” шотлайнаг пони сценæйыл фæццаг фæзыны, уый аивадуарзджыты базонгæ кæны сæйраг хъайтаритимæ – Агуындæ æмæ Ацæмæзимæ. Спектакль “Легенда о вечной свирели” æвæрд у Нарты кадджытæм гæсгæ.
Сæйраг рольты театр “Нарты”-йы æрыгон артисттæ Едзиты Владислав æмæ Гергиты Дианæ. Дианæ, куыд радзырдта, афтæмæй Агуындæйы сурæт равдисын æнцон нæу. Гуырвидауц, хæрзуæздан, фæлæ фидар удыскондимæ. Чызг ахæм бæрнон ролы фыццаг хъазы. Репетициты рæстæг йæ хъаруйыл нæ ауæрды.
Сæхи бæстонæй цæттæ кæнын райдыдтой сентябры кæрон. Бæхты драмон театр “Нарты” сси президентон гранты уæлахиздзау. Рамбылдтой милуан сомы. Сæ курдиатмæ сын кастысты афæдзы бæрцы.
Хъаматимæ ирд æмæ цымыдисаг тохтæ, адæмон кæфтытæ, æмæ æнæмæнг бæхтыл хъуыстгонд трюктæ. Театр “Нарты” ссардзæн адæмы дисæй цæмæй бафтауой, уый. Сæрмагондæй ацы спектаклæн бацæттæ кодтой костюмтæ, ног декорацитæ æмæ музыкалон номыртæ. Нарты дыууæ æвзонг уды уарзондзинады тыххæй цау снывæзтой ног хуызы.
Нарты хъуыстгонд сгуыхтдзинæдтæ бæстæйы иунæг ахæм театры сценæйыл. “Легенда о вечной свирели” цымыдисаг уыдзæн куыд хистæртæн, афтæ кæстæртæн дæр. Уыимæ ма республикæйы бирæ уазджытæн дæр. Премьерæ ацæудзæн ноябры кæрон.
