Бæлцæттæ ласыны фарстаты фæдыл сæрмагонд æмбырд амыдта Сергей Меняйло. Мадзалы архайджытæм дзургæйæ, сæргълæууæг фæнысан кодта, цæмæй лæггæдты хæрзхъæддзинад фæбæрзонддæр уа, уый тыххæй алы транспортон компани дæр хъуамæ æххæст кæна закъоны æппæт домæнтæ. Фæлæ ныры онг ис ахæм бæлцæттæласæг компанитæ, æмæ сæ куыст куыд æмбæлы афтæ не ‘ххæст кæнынц. Уыимæ сæ архайд æвзæрырдæм ахады иннæты куыстыл дæр.
Ахæм уавæр сæвзæрд Дзæуджыхъæуы. Раздæры компанитæй иуы тæрхондоны уынаффæмæ гæсгæ суæгъд кодтой йæ лицензийæ, фæлæ уæддæр шофыртæ дарддæр сæ архайд æххæст кæнынц, æнæзакъонæй цæуынц маршруттыл, ласынц бæлццæтты. Сергей Меняйло бадомдта цыбыр рæстæгмæ уавæр хорзæрдæм аивын. Дзæуджыхъæуы администрацийæн бабар кодта профилон ведомствотимæ æнæкъуылымпытæй архайд æххæст кæнын линитыл.
