Бæрзонддæр цæттæдзинады фæткæй рахизыны фадæттыл æрдзырдтой Оперативон штабы радон æмбырды. Эпидемиологон уавæр хынцгæйæ гæнæн ис æмæ тагъд рæстæджы хииппæрддзинады фæтк фæлæмæгъдæр уа. Уый та аразгæ у республикæйы алы цæрæгæй дæр. Дохтырты амынддзинæдтæ æнæмæнг æххæст кæнын хъæуы, алы адæймагæн дæр уый у йæ граждайнаг хæс. Битарты Вячеславы ныхæстæм гæсгæ цæрджытæн дарддæр дæр æмбарын кæнын хъæуы коронавирусы ныхмæ профилактикон мадзæлтты хъомыс.
Республикæйы сæргълæууæг профилон уагдæттæн бабар кодта чысыл æмæ рæстæмбис амалхъомадæн æххуысы мадзæлттæ дарддæр дæр аразын. Бæрзонддæр цæттæдзинады фæткæй республикæ хиздзæн къæпхæнгай. Битарты Вячелав куыд зæгъы, афтæмæй уыцы куыст араздзысты эпидемиологон уавæрмæ кæсгæйæ.
